11 jul. 2017

RECOMENDACIÓNS LECTORAS PARA O VERÁN E PAL PARA O VINDEIRO CURSO




Xa estamos de vacacións , pero non queriamos irnos sen publicar as recomendacións lectoras para o verán  e o PAL ( Plan Anual de lectura) do próximo curso.
Dende BIBLIOCERVO, o equipo de biblioteca desexarvos un feliz verán, descansade, tomade o sol, lede moito e...
 vémonos á volta de vacacións!!!

          FELIZ VERÁN!       




29 jun. 2017

FESTIVAL FIN DE CURSO 2017

Aínda nos quedan unhas entradas por subir ao blog antes de dar por finalizado o curso, pero non podemos resistirnos de publicar as imaxes do festival fin de curso que desta vez tivo por eixe OS ANOS 80, que como moi ben di un slogan, " Os 80 nunca morren!! ".


E como ese día estamos moi ocupados e preocupados en que todas as actuacións saian ben, non nos lembramos de gravar vídeos, pero sabemos que os espectadores si o fixeron, así que cando teñamos algún xa o engadimos nesta entrada.
Gozade coa magnífica posta en escena dos artistas do cole!!!






XORNAL ESCOLAR "NIN QUITO NIN POÑO 2017"

Con esta xa son 17 as reedicións do noso xornal  escolar NIN QUITO, NIN POÑO. Son reedicións porque cada curso editamos un número en lembranza ao xa clásico  que se redactaba nos obradoiros do colexio alá polos anos 80 e que despois dunha parada, volvemos a publicar no 2001. 
Cada ano, o noso alumnado mellora as súas calidades xornalísticas e volca o aprendido ao longo do ano noso NIN QUITO, NIN POÑO. 
Seguro que xa chegou un exemplar ás vosas casas e que estades gozando da súa lectura un montón!!



27 jun. 2017

AS ANDANZAS DE PAIO NA FESTA DA ANPA




Como remate de curso, a ANPA organizou unha xornada para que as nenas e nenos se divertiran e levaran bo sabor de curso. Primeiro repartiron unhas orixinais galletas, coa imaxe de Puca e o emblema da ANPA. Eran tan fermosas que houbo quen non as quixo comer porque lle daba lástima quedarse sin elas!!!
Logo tivemos unha actuación musical a cargo de o grupo OVIRAVAI que nos presentou o seu libro-CD " As andanzas de Paio", un teixugo que viaxa por diferentes países( África, canadá, México...) e nos que vive diferentes aventuras e fai novos amigos.
Con estas imaxes queremos resumir o ben que o pasamos este día e agradecer a ANPA a súa colaboración e o agasallo que tiveron con Puca: o libro- CD de "As andanzas de Paio"!!


XORNADA DE SURF NA PRAIA DE ESTEIRO





                        

Xa ven sendo habitual que a finais de curso e cando o tempo meteorolóxico é propicio, facer unha xornada de surf para iniciarse neste deporte. Esta vez desprazámonos ata a praia de Esteiro, en Xove, onde nos agardaban os monitores da Escuela Gallega de Surf. 
Despois de poñer o traxe e  recibir as explicacións pertinentes, metémonos na auga tratando de manter o equilibrio na táboa, con mellor ou peor sorte! Pero unha vez máis, pasámolo xenial e con ganas de repetir o vindeiro curso.

                      

7 jun. 2017

CELEBRACIÓN DO CUMPLE DE PUCA!!

Unha festa por todo o alto foi a que tivo Puca para celebrar os seus 10 anos con nós!! Primeiro entregáronse os diplomas aos devoradores de libros, que son os nenos e nenas que máis libros leron durante o curso, segundo os rexistros do programa MEIGA. 
Ao longo da festa, Puca tivo un agasallo moi especial: unhas zocas que lle deron con moito cariño, as nenas e nenos da clase de 4º e que lle encargaron ao artesán Alberto Xeada, en complicidade coas súas familias. Tamén  contamos coa actuación do grupo da Fundación EU SON que nos interpretou varias cancións. A continuación, todos cantamos a canción de Puca e por último, os pequeniños do cole sopraron as velas e comemos a tarta de chocolate e trufa que tanto nos gusta!!!!
FELICIDADES PUCA, A SEGUIR CUMPRINDO ANOS CON NÓS E ANIMÁNDONOS EN TODAS AS ACTIVIDADES DA BIBLIOTECA!!!!!!!!!!!



LIBRO DE EXPRESIÓNS DA FALA MARIÑANA

O Equipo de Dinamización da Lingua Galega fixo un traballo de recompilación de frases feitas da nosa zona, A Mariña, en colaboración coas familias. Tratábase de recoller expresións que dicimos ou escoitamos , poñer o seu significado e en que situacións se din. O resultado de todos os traballos foi este libriño tan fermoso que figurará nos fondos da biblioteca, no apartado de creacións propias.
Unha vez máis, agradecemos ás familias a súa colaboración, sen  cal non sería posible a realización deste traballo.

FRASES DA MARIÑA LUCENSE