7 feb. 2018

ERASMUS+, VIAXE A POLONIA.




Recentemente tres profesoras do colexio viaxaron a Polonia para coñecer aos demais participantes do proxecto europeo. Contáronnos moitas cousas da viaxe, do espectacular recibimento que lles fixeron, das actividades organizadas, das visitas, do colexio, dos traballos do alumnado...En fin. que nos entran as ganas de viaxar a Polonia, iso si, BEN ABRIGADOS!


KARAOKE DE AMOR, EUROPEO.


Este ano o karaoke de amor que sempre facemos en febreiro, mes do amor, vai ser moi pero que moi europeo, porque a maioría dos temas elixidos para ser interpretados son cancións eurovisivas. Pero non esquecemos que na lingua galega os temas amorosos soan moi melosos, así que tamén vai unha pequena escolla de cancións de amor en galego e, por último, para ir ambientándonos nos anos 90 e ensaiando xa para o Festival Fin de Curso, uns temas destes anos!
Animádevos a participar, formade un pequeno grupo, como máximo de cinco persoas e apuntádevos na canción que máis vos guste. Si esta xa está elixida, buscade outra, tedes moitas no seguinte listado:



CANCIÓNS EUROVISIVAS

UN POUCO DE AMOR EN GALEGO!

E COMO APERITIVO PARA O FESTIVAL FIN DE CURSO " VIVAN OS 90 !!!

                                                                                   Agardamos a vosa participación!!!

31 ene. 2018

DÍA ESCOLAR DA PAZ E NON VIOLENCIA.

 Despois duns días practicando e facendo grullas, chegou o día de colgalas. Onte, 30 de xanerio, Día da Paz e Non Violencia, no recanto europeo e baixo o lema " UNIDOS NA DIVERSIDADE" as fermosas grullas que fixemos quedaron voando para axudar a cumplir o desexo de Sadako, unha nena  de Hirosima á cal non lle deu tempo de conseguir as mil grullas que a lenda xaponesa aconsella facer para que se cumpla un desexo do corazón!. 
Nós tampouco fixemos mil, pero aportamos un gran de area para que o desexo de PAZ se faga realidade en todo o mundo.


Nas aulas leuse o tríptico que elaborou a biblioteca e logo o alumnado levouno para a casa. Aquí podedes velo e ver as recomendacións de lectura que se fan, algunhas delas podedes atopalas en 
BIBLIOCERVO.

16 ene. 2018

CREATING, COMMUNICATING, OUR DIVERSITY WE ARE CELEBRATING!


Aquí temos as nosas compañeiras Belinda, Cristina e Esther, co resto do profesorado dos países amigos do Erasmus + en  Pobiedziska, Polonia. Están nunha viaxe programada dentro do proxecto para facer un seguimento e coordinar as actividades que se realizan  dentro do mesmo.
Os representantes dos países visitantes foron recibidos pola Corporación Municipal e obsequiados cun libro que ilustra a historia do pobo. Mostráronlles unha presentación cos lugares importantes do concello, actividades, deportes, acontecementos , etc. que teñen lugar ao longo do ano.


O martes participaron  nun obradoiro de escritura creativa impartido por Justyna Niebieszczánska, unha filóloga que imparte cursos de potenciación e creatividade, ademais de ser relacións públicas e escritora.

En Gniezno escoitaron as explicacións dunha restauradora sobre a dificultade  da conservación de textos antigos que conseguiron recuperar despois da Segunda Guerra Mundial, pois moitos gardáronse en sotos onde as condicións non eran as axeitadas. A recuperación foi lenta e grazas a que os rusos devolveron algúns... outros perdéronse para sempre!!
Dende aquí mandámoslles moitas apertas, esperamos impacientes a súa volta para que nos conten novas da escola  e dos lugares que visitaron.
Bo regreso a Cervo !!!

10 ene. 2018

XANEIRO, MES DA PAZ. Sadako y las Mil Grullas de Papel.

Xa lemos a carta de Puca coa proposta de actividades para estes meses e empezamos polo  MES DA PAZ, que é xaneiro, xa que o 30 deste mes conmemórase a morte de MAHATMA GANDHI, un líder nacional e espiritual da India que morreu asasinado a tiros en 1948. Ademais, cada 21 de setembro, celébrase en todo o mundo o DÍA INTERNACIONAL DA PAZ. A Asemblea Xeral das Nacións Unidas declarou esta data para fortalecer a paz entre todas as nacións  e pobos e entre a xente de cada un deles.
En Xapón teñen unha data moi especial para reivindicar a PAZ. Trátase do día 6 de agosto en lembranza daquel do ano 1945, cando Estados Unidos tirou a bomba atómica en Hirosima coa esperanza de acabar coa Segunda Guerra Mundial. A causa desta bomba morreron máis de 200.000 persoas. Sadako Sasaki era unha nena que tiña entón dous anos e parecía que non lle afectara a bomba, pero cando pasaron nove anos detectóuselle leucemia causada pola irradiación da bomba. A súa historia é un pouco triste, pero moi fermosa. Si queredes coñecela podedes ler o libro 

                                              SADAKO Y LAS MIL GRULLAS DE PAPEL


  Ademais, atopamos recursos nos seguintes enlaces:






E información sobre o origami e de como facer unha grulla, incluso un vídeo.
Despois de informarvos ben, temos esta proposta  para que  elaboredes un documento de síntese sobre algún dos seguintes temas:
  1. Lectura e opinión persoal da historia de Sadako.
  2. Cando e por que Estados Unidos lanzou unha bomba atómica sobre Hiroshima.
  3. As grullas: descrición, hábitat, costumes...
  4. O origami. Que é? Como se fai unha grulla ?
  5. Fai a túa propia grulla de origami coa que construiremos un MÓBIL XIGANTE.
Colocaremos todos os vosos traballos no noso RECANTO EUROPEO baixo o lema de:

“ UNIDOS NA DIVERSIDADE”

Pedide axuda aos profes e veña, mans a obra que o día 30 xa está aí !!

CARTA DE PUCA, XANEIRO E FEBREIRO 2018

Ola amig@s!
Antes de nada, desexarvos un feliz ano 2018 e un bo comenzo de trimestre que ben seguro, pasará moi axiña porque vai ser un tempo de actividades que nos gustan moito, non temos máis que ler a carta que Puca nos fixo xa chegar ás aulas. Aquí a temos:



Vides coas pilas ben cargadiñas? Pois ánimo e a traballar!


20 dic. 2017

CALENDARIO 2018, LENDAS ALÉN DE EUROPA.

Despois dun arduo traballo de investigación durante o trimestre sobre as nosas lendas, temos o produto final de todo o colexio, esta obra de arte realizada por todo o alumnado: o calendario
LENDAS ALÉN DE EUROPA

Non perdades a oportunidade de ter un nas vosas casas, podedes adquirilo no cole antes de que se esgote!!!