12 may. 2017

ASISTIMOS A UNHA OBRA DE TEATRO NO AEM

AEM son as siglas da  Asociación de Axuda ao Enfermo Mental Á Mariña, veciños nosos posto que o seu centro está ubicado preto do colexio. Realizan actividades moi variadas: manualidades, saídas, teatro, música...E recentemente invitáronnos a visitar o seu centro e ver unha obra de teatro " A marabillosa mente de Alicia", que adaptaron de "Alicia no país das marabillas".
Son uns xeniais artistas, fixérono estupendo, estivemos moi , pero que moi atentos e ao final sacamos unha foto todos xuntos no exterior do edificio.
Gustounos tanto a experiencia, que imos repetila, pero agora correspóndenos a nós devolver a invitación!!! Pensamos que lles gustará vernos actuar no Festival de Fin de Curso, así que cursaremos unha invitación formal!!!
Moitas gracias por compartir con nós as vosas experiencias, sensibilizarnos e ensinarnos  outras realidades!!






10 may. 2017

CELEBRACIÓN DAS LETRAS GALEGAS 2017

Este ano o autor homenaxeado é CARLOS CASARES e na biblio temos unha exposición dalgúns dos seus libros, porque algúns andan de viaxe nas mochilas viaxeiras. Nas aulas estase a  traballar á redor desta PRIMAVERA DAS LETRAS . Para isto teñen recursos no seguinte enlace da





No cole estamos a punto de mandar as PEZAS ÚNICAS ao MUNCYT ( Museo Nacional de Ciencia y Tecnología), para que poidan ser repartidas entre os visitantes do Museo na Semana das Letras Galegas. Este curso teñen por tema a robótica e a tecnoloxía, de acordo co proxecto anual de centro e por iso se envían a este Museo. 
Son unhas únicas obras do noso alumnado, con poemas e debuxos, que se numeran e logo reparten polas Letras Galegas para espallar a nosa cultura polo mundo adiante.
Por si queredes  saber máis  desta actividade, podedes ir a páxina do blog  e seguir a traxectoria desta fermosa iniciativa que o EDLG leva a cabo dende cursos atrás.
Aproveitade e ide visitar o MUNCYT, é unha oportunidade escepcional para gozar  neste museo e de ser agasallado cunha PEZA ÚNICA!! Si fose así, non esquenzades de facernos chegar a noticia!!!




Por outra banda, dicir que onte todo o colexio, participou no CORRELINGUAS que se celebrou en Viveiro. Mentres os maiores fixemos a marcha, os de Infantil esperáronnos na Praza Maior gozando co bo facer de Ce  Orquestra Pantasma.





A MARIÑA CON MOITA ARTE. EXPOSICIÓN CONXUNTA EN VIVEIRO



Esta semana e dende o día 8 ata o 11, pódese visitar en Viveiro a exposición conxunta dos centros integrantes da MICRORREDE  de A Mariña.Queredes ver como quedou a exposición?Animádevos a vir visitala! Merece a pena!!!

 


SAÍDA Á CORUÑA. IX CONCURSO A MAXIA DA ROBÓTICA.

O mércores 26 de abril de 2017 os nenos e nenas de 3º,4º,5º e 6º, fomos A Coruña. 5º e 6º ao chegar, participamos no concurso de robótica organizado por IGACIENCIA. Pasámolo xenial e resolvemos moitos desafíos; 3º e 4º foron a Casa das Ciencias e ao Planetario,onde viron unha proxección.
Ao acabar o concurso, paseamos por rúas antigas de A Coruña e tamén estivemos en prazas moi fermosas da Cidade Herculina. Despois xuntamonos cos compañeiros nun restaurante a comer, a comida estaba riquísima!!!!
Ao acabar visitamos o MAC (Museo de Arte Contemporánea), onde vimos unha colección de obras do pintor Rubén Ramos Balsa chamada “El doble de la mitad”.
Uns días máis tarde, comunicáronnos que eramos finalistas do concurso de robótica e por iso o día 4 de maio tivemos que volver á final para desempatar con outros dous centros de Galicia, en concreto co CPR Jesús Maestro de Ferrol e co IES Politécnico de Vigo dentro da nosa categoría de 5º e 6º de de. Primaria e 1º de ESO. O grupo que saíu elixido para a final quedou facendo os desafíos na Fundación Barrié de la Maza, mentres que o resto dos compañeiros fomos ao MUNCYT (Museo Nacional de Ciencia yTecnología).



O MUNCYT ten 9 salas,nunha delas había uns robots que nos explicaron varios artefactos, noutra estivemos dentro dun avión e sentámonos en primeira clase, tamén estivemos na cabina do avión.
Despois asistimos á entrega de premios do concurso de robótica para acompañar aos nosos compañeiros e ao acabar, subimos ao Monte San Pedro onde comemos e xogamos antes de regresar a Cervo.
Despois desta experiencia tan gratificante, quedamos con moitas ganas de seguir practicando e aprendendo cos robots, sobre todo porque foms¡os de novo seleccionados para continuar desenvolvendo dende a Biblioteca o Proxecto Escornabots, durante o curso 2017-2018, que pretende acercar o mundo da robótica e a linguaxe de programación aos máis pequenos.


VISITA AO CENIMA

  

Días pasados fixemos unha visita ao CENIMA de Foz para ver a exposición SER VISIBLES de once mulleres artistas de A Mariña, dentro das actividades da Semana das Artes Plásticas da Mariña. 
Esta é unha actividade que vimos realizando ao longo dos cursos, dende que traballamos en proxectos relacionados coa arte e sobre todo, coa arte que nos rodea e que para nós ten a súa especial celebración o DÍA DA ARTE GALEGA NA ESCOLA, o 1 de xuño de cada curso, lembrando a Seoane, cofundador da Cerámica de Sargadelos.
Aproveitando a saída a Foz, achegámonos ata a Basílica de San Martiño de Mondoñedo, onde unha guía nos explicou brevemente,algúns detalles e curiosidades deste monumento. 




5 may. 2017

A MARIÑA CON MOITA ARTE

Este ano  a actividade colaborativa da Microrrede de A Mariña leva por título e tema "A MARIÑA CON MOITA ARTE", que no noso centro tivo por eixo a arte de Sargadelos, tanto a cerámica como a literatura. A proposta para as familias foi que elixisen unha obra, peza, deseño...de Sargadelos, que buscaran información sobre ela e logo facer a súa recreación plástica nunha cartolina, explicando un pouquiño sobre esa peza. Coma sempre, os resultados son espectaculares e a participación total. Tivémolos expostos no colexio e agora irán para Viveiro, onde se poden ver, xunto cos traballos dos demais centros integrantes da Microrrede. Ademais, O Colexio de Cervo aporta unha colección de libros de Edicións do Castro que xa son clásicos na nosa biblioteca.
Aproveitamos para agradecer a participación das familias, sen as cales esta actividade non sería posible, tamén á Cerámica de Sargadelos por brindarse a colaborar con nós e a todas as persoas e institucións que nos axudan e rematamos invitándovos a visitar a exposición conxunta en Viveiro que será do 8 ao 11 de maio.

3 may. 2017

SOMOS FINALISTAS NO IX CONCURSO DE ROBÓTICA!!!

A semana pasada desprazámonos ata A Coruña para participar no  IX Concurso de Robótica organizado por IGACIENCIA e somos finalistas! Así que mañá, día 4 de maio volvemos A Coruña para disputar á final co CPR Jesús Maestro de Ferrol e o IES Politécnico de Vigo, ámbolos  dous de 1º de ESO, xa que a nosa categoría engloba a 5º e 6º de Primaria e 1º de ESO.
 Aínda que somos os máis pequenos, estamos moi animados e tamén un pouco nerviosos pola gran responsabilidade que imos afrontar, pero xa nos damos por satisfeitos por chegar á final e así deixar ao noso cole entre os finalistas! 
No xornal La Voz de Galicia aparece esta nova que podedes ler premendo no enlace.
Desexamos moita sorte aos nosos compañeir@s e alumn@s, que se divirtan e o pasen moi ben!!!

SORTE!!!!